41歲的陳先生辭職成為傷殘父親的主要照顧者已經有四年了，他漸漸學會了各種照顧任務:覆診、换尿片、備餐和餵食…親力親為盡孝事親讓他感到無愧於心。由於不喜歡外人近身，工人姐姐又不會中文，父親的日常生活幾乎都離不開自己，而家姐有她的家庭需要照顧，只能在週末幫手。陳先生很希望學習更專業的照顧方法和更有效率地進行任務分工。
痛點與挑戰
- 資料記錄的繁瑣
陳先生需要記錄父親的健康狀況、醫療記錄、用藥時間等重要訊息，這項工作繁瑣且容易遺漏。 - 信息共享的壁壘
陳先生希望能夠將父親的近沉和健康資訊分享給其他家庭成員，但缺乏有效的滿通工具和輔助手段，資訊傳遞不暢，影響家庭成員的協作。 - 協調分工的挑戰
家人在照顧任務中缺乏明確分工，難以協調，導致每一環都需要陳先生的指導和参與，整個過程繁瑣和複雜。他希望能夠有高效地分配照顧任務，讓自己有更多的休息時間。 - 照顧知識的匱乏
在照顧父親的過程中，陳先生遇到許多不確定性，例如處理父親的情緒問題、選擇合適的飲食等，都缺乏專業的指導。
–
照顧長者，點解咁攰？
喺香港，好多家庭照顧者都面對同一個困境：屋企得自己一個主力照顧長者，日復日照顧起居飲食，仲要兼顧工作、家庭同自己嘅健康。研究顯示，超過一半嘅家庭照顧者曾出現疲勞、焦慮或情緒低落，而「搵唔到人幫手」係最常見嘅壓力來源。
照顧者常見嘅四大難關
- 體力透支：扶抱、洗澡、餵食、日夜照顧，體力消耗極大，好多照顧者自己都整親腰背
- 時間被綁死：長期離不開屋企，冇時間見朋友、休息，甚至連睇醫生都冇空
- 資訊不足：唔知長者嘅情況可以去邊度求助，唔識判斷幾時需要專業介入
- 內疚同孤單：覺得照顧得唔夠好，又唔敢同人講自己撐唔住
邊啲情況應該搵人幫手？
如果你出現以下情況，就係時候考慮尋求支援：
- 連續幾晚瞓唔好，日頭精神好差
- 開始對照顧工作感到煩躁、易嬲或者麻木
- 長者嘅照顧需要已經超出你一個人可以應付嘅範圍
- 屋企有小朋友或其他家人同樣需要你照顧
你可以點樣搵支援？
短期幫手：搵親友輪更、參加日間長者中心服務，畀自己抖一抖。
專業上門服務：如果長者行動不便、出街困難，上門服務係最直接嘅選擇：
- 上門護士：處理傷口、藥物管理、健康監察、基本生活能力評估
- 上門物理治療／職業治療：中風復健、防跌訓練、家居安全建議
- 上門醫生：行動不便長者嘅定期醫療跟進
社區資源：社署嘅長者社區照顧服務、暫託服務，都可以提供定期或臨時支援。
記住：照顧者都要被照顧
照顧長者係一場馬拉松，唔係短跑。適當咁尋求支援，唔係唔孝順，而係對長者同自己最負責任嘅選擇。Angel Care 嘅護士同治療師可以上門提供專業支援，畀你抖返一啖氣。需要了解服務詳情？去我哋嘅功能介紹或收費計畫頁面睇睇。