“唔睇唔知，住院月租最低七千，最高萬五，未計埋護理費、冷氣呢啲額外開支。老人家打胰島素針，每月又要多八百到千二；尿片仲分輕度、中度、高度，最貴每個月三千幾，仲未計驗血糖、針筒、酒精棉呢啲消耗品，條數越滾越大。剪個頭收三十蚊，濕紙巾分大包細包，連安全衫、冷氣被都要逐件計，雜費多到嚇親人。仲有啲隱藏收費，例如陪診夜晚頭三粒鐘收四百五，超時每個鐘加百二，出街睇醫生仲要自己畀車錢同登記費。住老人院呢啲開支，真係壓力好大！相比之下，居家養老慳返大把冤枉錢，自己買尿片、屋企人幫手打針、用普通護理工具，使費自己話事。加上屋企住得自在，唔使硬啃冷氣費、行政費，有埋家人陪仲冇價講。與其畀老人院五花八門嘅收費綁到實，不如早啲規劃居家養老，荷包同條氣都順啲啦！”
